И годинава како и лани, на 15.10.2010, во организација на Дормео и Црвен Крст, започнува големата хуманитарна акција „Разбудете се хумани“, чија цел е подобрување на животните услови на ранливата категорија на луѓе преку собирање на користени душеци и нивно донирање во институции кои се грижат за нив (болници, домови за стари лица, станови на деца без родители, казнено поправни домови).
Црвен Крст ги презема донираните душеци од домовите на донаторите, а Дормео, на сите хумани граѓани, им овозможува попусти за купување на Дормео производите, бесплатна достава и убави Дормео подароци.
Акцијата трае до 15.11.2010, а во неа можете да се приклучите и Вие – со донирање и поддршка!
Сакате да направите добро дело? Кликнете тука за да донирате душек или тука за да бидете дел од групата за поддршка „Разбудете се наспани“ на Facebook.
Инаку, ова е трета хуманитарна акција во заедничка организација на Дормео и Црвен Крст. Досега, тие заедно обезбедија Дормео душеци за спиење за Институтот за белодробни заболувања кај децата – Козле, а од донираните душеци беа подарени 450 (хемиски исчистени) на: Домот за стари лица „Мајка Тереза“-Злокуќани, Заводот за рехабилитација на деца и млади Топанско поле, КПД „Идризово“, Специјалната психијатриска болница –Демир Хисар и Клиниката за детски болести – Скопје.
