Доналд Трамп го искористил патувањето до Шкотска, за да го даде најсилниот сигнал дека можеби ќе се кандидира за претседател на САД во 2012 година...

Откако му била доделена почесна титула од универзитетот "Роберт Гордон" во Абердин, американскиот магнат за недвижнини за новинарите изјавил дека неговата земја има потреба од подобар лидер и дека тој може да се соочи со претседателот Барак Обама на следните избори. Според него, Обама се соочува со големи тешкотии.

"Мислам дека тој прв ќе признае дека не му е лесна. САД е голема земја, но не се развива така добро како што треба. Можеме да се справиме со тоа многу подобро, а со соодветно лидерство, дури и неверојатно добро", рекол Трамп.

Тој истакна дека е премногу рано да каже кој ќе биде негов партнер и се изнасмеал на претпоставките дека може да се кандидира заедно со поранешната гувернерка на Аљаска Сара Пејлин.

Трамп добил почесна докторка титула по бизнис на универзитетот, иако протестирале локалните жители, кои тврдат дека тој сака да ги одврати од нивните домови, за да изгради голф одморалиште во вредност од 1,2 милијарди долари.