Основачот на Фејсбук, Марк Цукерберг одлучил да донира 100 милиони долари за идните 5 години за да им помогне на школите на американскиот град Њуварк...

Цукерберг, кој според магазинот "Форбс" е тежок 6.9 милијарди долари, донацијата на објавил во шоуто на Опра Винфри во која гостувал со градоначалникот на Њуварк и гувернер на Њу Џерси.

Всушност, основачот на Фејсбук пред два месеци учествувал во Сан Вали во Ајдахо каде се нашол и на вечера со градоначалникот на Њујарк, Кори Букер.

Инаку Марк нема апсолутно никаква друга врска со Њуарк, бидејќи израснал во предградието на Њујорк а одел на училиште во Њу Хемпшир.

Образовниот систем на Њуварк се карактеризира со лоши резултати на тестови и голем процент на отсуства од школување. Експертите за едукација сега внимателно ќе следат дали парите прават разлика, во областа каде веќе се трошат по 24.000 долари на секое од 40.000 ученици, што е дупло повеќе од американскиот национален просек.

Донацијата на Марк доаѓа непосредно пред премиерата на филмот The Social Network (социјална мрежа) кој сугерира дека младиот милијардер, идејата за Фејсбук ја украл од своите колеги од Харвард.