Катар е најбогатата држава во светот по БДП по глава на жител, објави катарското издание на The Peninsula, повикувајќи се на листата на Global Finance...

Рангирањето се базира на проценките за 2010 година.

БДП по глава на жител во Катар беше 83 841 долари за 2009, а за 2010 се очекува да достигне 90 149 долари. Ова се случува благодарение на зголеменото производство и извоз на течен природрн гас.

На второ место останува досегашниот лидер Луксембург со БДП по глава на жител од 79 411 долари.

На трето место е Норвешка со 52 964 долари, следат Сингапур (52 840 американски долари) и Брунеи (48 714 американски долари).

САД се искачи до шестото место со 47 702 долари, следат Хонг Конг (44 840 американски долари) и Швајцарија (43 903 американски долари).

На деветата позиција е Холандија (40 601 американски долари). На десето место е Австралија (39 841 американски долари), која ја подместува Ирска.

Најсиромашна по БДП по глава на жител е Конго.

Катар многу време е најбогатата арапска држава. На второ место, но далеку зад неа, е Кувајт (38 984 американски долари), која што остана број 14 на заедничката листата.