Дваесет и три годишна Американка, висока само 89 сантиметри, роди потполно здраво дете...
ЛаКендра Нелсон, која тежи 22 клограми има остеогенеза - ретка наследна болест, при што е нарушен процесот на создавање и развој на коскеното ткиво. Лекарите биле цврсто против нејзината бременост, истакнувајќи дека шансите да го износи бебето и да преживее по раѓањето се 1:50000.
Сепак ЛаКендра решила да ризикува. Бебето се појавило на бел свет во мај со тежина од само 900 грама, но дишело самостојно. Сега, 3 месеци подоцна, малата ЛаКензи тежи повеќе од 2,3 килограми и по мислењето на лекарите се развива нормално. За нејзина среќа, таа не ја наследила болеста на мајка си, што значи дека нема да се разликува по растот од другите луѓе.
