Сантата мраз, четири пати поголема од Менхетен се отцепила од еден од двата главни глечери на Гренланд, што е најголемиот ваков настан на Арктикот во речиси 50 години, објавиле научниците...

Новиот леден остров, кој од глечерот се одвоил во четвртокот, патува кон теснецот Нарес, околу 1000 километри јужно од северниот пол, помеѓу Гренланд и Канада. Сантата има површина од 260 километри квадратни, а дебела е како речиси половина од висината на Empire State Building, рекол Андреас Муенчов, професор на океанологија на универзитетот во Делавер, додавајќи дека тоа очекувал да се случи, но не и дека сантата ќе биде толку голема. 

"Водата која ја содржи таа санта, би можела да им овозможи на реките Делавер и Хадсон да течат повеќе од две години. Би било доволно и за напојување на целиот јавен водовод на САД за 120 дена. Никој неможе да тврди дека за сантата е одговорно глобалното затоплување. Од друга страна, никој неможе да тврди и дека не е", рекол тој.