Туристите во русија паднале во шок откако виделе магаре на синото небо над прекрасните плажи во Азовското море во јужна Русија.

Прикачено на падобран, животното врескало од страв додека летало над главите на туристите во населбата Голубитскаја во регионот Краснодар.

Локалниот портпарол на полицијата рекол дека, магарето се нашло во небото на падобран како резултат на инпровизирана рекламна кампања на неколку руски претприемачи, за да привлечат туристи на нивните приватни плажи. Наместо тоа, тие го привлекле вниманието на локалната полиција, која дознала за летот на магарето претходно оваа недела и започнале истрага.

"Магарето врискаше, а децата плачеа", рекол портпаролот на локалната полиција Лариса Тучкова. "Никој не покажа доволно здрав разум и да повика полиција", додала таа.

Наместо да повикаат полиција, луѓето ги извадиле камерите и телефоните за да снимаат.

"Магарето беше толку високо во небото, што децата плачејки ги прашуваа родителите, зошто врзале куче на падобран", наведува весникот "Таман" во неделното издание.

Магарето слетало на ужасен начин, тоа било влечкано неколку метри по водата, по што животното било извадено полуживо.