Во главниот град на Хондурас, Тегусигалпа е подигнатa копија на париската Ајфелова кула, објави El Heraldo.

На свечената церемонија присуствувале високи претставници, меѓу кои и градоначалникот на градот Рикардо Алварес.

Амбасадорот на Франција во земјата Лорен Доминати, се заблагодарил на жителите на Хондурас и рекол дека за него е голема чест да се наоѓа во оваа земја на толку голем ден за сите Французи.

8 метарската копија на Ајфеловата кула е подигната во историскиот центар на Тегусигалпа, на плоштадот “Лос Долорес“. Таа е првата копија на најпознатата париска атракција, подигната во главен град на латиноамериканска земја.