Ловец на богатство, вооружен со метален детектор, пронашол 52 500 римски монети, едно од најголемите откритија на римски монети во Велика Британија.

Монетите биле скриени во голем глинен сад на околу 30 сантиметри под површината на земјата во Сомерсет.

Богатството, што според археолозите ќе ја презапише историјата било пронајдено од страна на  63-годишниот Дејв Крисп. Се проценува дека монетите имаат вредност како четири плати на Римски легионер. Покрај тоа, археолозите забележале дека сребрените и бронзените монети се со многу слаб квалитет, што зборува за економска криза во римската империја.