Владата на Кина им забранила на војниците, кои ги има 2.3 милиони, да прават приватни сајтови и пишуваат блогови...

"Војниците не смеат да пишуваат блогови, ниту да имат приватни сајтови, без оглед дали тоа го прават како приватни лица или војници", рекол политичкиот комесар Ванг Лонг, а пренесува агенцијата Ксинхуа. Во соопштението исто така се вели дека "интернетот е комплициран и дека треба да се избегнат евентуалните стапици". Ова ново правило на сила стапило од 15-ти Јуни. Кина е позната како земја во која интернет цензурата е силна. Така на пример постојат системи кои го блокираат пристапот до одредени сајтови, или содржини на поедини сајтови. Најчесто се цензурираат порнографските сајтовби и содржините со политичка тематика.