Кинескиот суд осуди 22-годишен маж, кој си го продал малиот двегодишен син за 2 650 долари, објави "Daily Telegraph".

Кинезот од централната провинција Хубеј го продал двегодишниот син на пар во Пекинг во април минатата година, откако пушти неколку објави на интернет, напиша весникот "Beijing Times".

Човекот на кој му е познато само името, Лу, го продал детето по разделбата со неговата сопруга, бидејќи ги немал потребните пари и време за да го одгледува.

Откако почнал да жали за стореното и се смирил со својата сопруга, Кинезот го обвинил парот од Пекинг за трговија со деца и побарал од полицијата да му вратат детето.

По завршувањето на истрагата, судот го обвини Лу, бидејќи го напуштил своето дете и го осудиле на шест месеци затвор и една година условна казна. Парот од Пекинг бил прогласен за невин, бидејќи не направил ништо погрешно. Судските власти наредиле детето да биде вратено на Лу, а парите биле запленети од страна на судот.