Индиска групација која се занимава со недвижности, ќе ги претстави плановите за изградба на една од највисоките згради во Светот и во Мумбај.

Претприемачите од Lodha Developers планираат да изградат кула од 117 ката, која ќе биде дизајнирана од Њујоршки архитекти од Pei Cobb Freed and Partners, објавија локалните медиуми.

Кулата ќе биде лоцирана во централниот дел на Мумбај и ќе бидат потребни пет години за нејзината изградба.

Минатата недела, групата Lodha склучи договор, вреден 880 милиони долари за развој на земјена површина од 25 000 квадратни метри.
Цените на имотите во Мумбај продолжија да растат за време на глобалната економска криза, но сепак градот се соочува со сериозен недостиг на вода и лоша инфраструктура.

Индиската економија регистрира раст од 7,4% за фискалната година, според официјалните податоци, објавени минатиот месец.