Жените-војници во британската армија се принудени носат кондоми на фронтот, откако се покажа дека повеќе од 100 жени-војници забремениле за 6 години во Ирак и Авганистан.

Реклами објавени во официјалното списание "Soldier" ги повикуваат дамите да користат заштитни средства, или да ризикуваат "да се исправат пред нешто, за кое не сакаат да слушнат".

Тие се предупредени дека "на местото на нивното распоредување ќе има 50 момци на секоја жена". Министерството за одбрана истакнало дека "не ги охрабрува" сексуалните односи, со оглед на воените дејства. Проблемот е што бремените немаат право да служат според армиските правила, затоа се испраќаат назад дома, потсети Daily Star.

Од јануари 2003 до февруари 2009 година, 102 британки биле испратени назад дома, бидејќи очекувале дете. Во Авганистан тие биле само 31 на број за истиот период.

Во британската база во Авганистан има околу 8500 војници, меѓу кои и 700 жени. Конзервативниот пратеник Патрик Мерсер истакнал дека несаканите бремености се "неверојатно скапи за Армијата" и изразил збунетост "зошто ваквите реклами се појавуваат дури сега".