Италијанскиот премиер Силвио Берлускони и неговата наскоро поранешна сопруга се договориле за износот која таа ќе го прима по разводот...

Италијанската актерка и водителка, Вероника Ларио поднела барање за развод, по низата на сексуални скандали на италијанскиот премиер и претпоставките дека имал многубројни љубовници од кои наводно некои биле и малолетни. Берлускони и неговата 20 години помлада сопруга се договориле за сума од 300.000 евра месечно алиментација.

Исто така добила право на доживотно уживање во големата вила во близина на Милано, каде што моментално живее. Крајот на 19-годишниот брак на италијанскиот премиер е голема тема овие денови во Италија, каде бројот на разводи е се поголем. Од легализацијата во 1974 година, бројот на разводи во католичка Италија се зголемил тројно и изнесува 100.000 раскинати бракови годишно.