Риба, наречена "кралица на херингите" поради должината од 3 метри, беше понајдена на западното крајбрежје во Шведска, соопшти денеска морскиот музеј на земјата, според кој таков гигант не се појавил 130 години.

Рибата со научно име "Regalecus glesne",која станала причина за создавање на легендите за морски змии, била откриена мртва во неделата од маж кој се шетал по брегот во областа помеѓу Гетеборг и границата со Норвешка.

"Близу до водата видов нешто големо, што најпрво помислив на големо парче пластика. Кога се приближив сепак, видов едно око и сфатив дека сум открил исклучително чудна риба", раскажал Курт Ериксон за весникот "Svenska Dagbladet".

"Regalecus glesne", позната во регионот и како "риба со панделка", може да достигне должина до 10 метри. За последен пат ваква риба била видена во 1879 година. За неа се знае малку, но ихтиолозите сметаат дека живее во води длабоки повеќе од 1000 метри.