Радислав Крстиќ, воен злосторник кој служел затворска казна во високо чуваниот затвор Wakefield во северна Англија, поради учеството во масакрот во 1995 година, бил нападнат...
Затворските чувари го пронашле Крстиќ на подот од ќелијата во крв во петокот околу 11 часот. Освен исекотини, бил претепан на главата и телото. Крстиќ по нападот на тројцата затвореници бил хоспитализиран и се наоѓа надвор од животна опасност. Полицијата истражува кој се крие позади овој напад и трага по оружјето со кое бил нападнат. Според првите информации Крстиќ е ослободен од болницата, пренесува Associated Press.
Британските медиуми пишуваат дека овој инцидент претставува голем срам за добро чуваниот затвор Wakefield, бидејќи Крстиќ се смета за еден од најосетливите и најважните британски затвореници. Поранешниот генерал Крстиќ во Англија ја издржува казната од 35 години поради помош и поттикнување на геноцид.
