На овој ден се одбележуваат точно 24 години од најголемата технолошка катастрофа во светот - хаваријата во нуклеарната централа во Чернобил...
По тој повод на денешниот говор, украинскиот претседател Виктор Јануквич рекол дека неговата земја ја почувствувала опасноста од "мирниот атом", и дека тоа било една од причините за откажување од трката за нуклеарно вооружување. Според него пред 24 години во Украина над 2 милиони луѓе страдале од последиците на радиоактивното зрачење, од кои 498 илјади деца.
Годишнината од трагичниот настан ќе биде одбележан во Русија и Украина. Во ноќта на 26 април, серија силни експлозии го уништиле четвртиот блок на Чернобилската нуклеарна централа, а тоа било на само 120 километри од Киев. Истечените радиоактивни материи имале активност од 50 милиони кири, односно колку 500 атомски бомби фрлени врз Хирошима.
17 земји во Европа биле загадени од радиоактивното зрачење, а вкупната површина на загадувањето била 207.500 квадратни километри. Од нив 23% на територијата на Белорусија, 1.5% на територијата на Русија, 7-10% на територијата на Украина. Вкупно биле озрачени 8 милиони луѓе, од кои 2 милиони деца. Радиоактивната болест и ракот на тироидната жлезда остануваат главните последици со кои ќе се запамти Чернобил.
