Дури два пати во последните шест недели, крадци успеале да се пробијат во холандскиот затвор и од осудените затвореници да украдат телевозори...

Затворот во градот Хорн недалеку од Амстердам е од отворен тип, а во него се сместени затвореници на кои им се ближи крајот од издржувањето на казната, што донекаде го објаснува фактот како некој успеал да влезе во зградата во која не би можело насилно да се влезе ниту излезе. Затворениците имаат и слободни викенди, а таквите викенди ги искористиле крадците да влезат и да ги украдат телевизорите. Дури и самата холандиска владина институција го опишува затворот како "слабо заштитена животна средина", која треба да им помогне на затворениците полесно да се приспособат во враќањето назад во општеството. Засега ниту министерството ниту управата неможат да ја одгатнат гатанката, кој би можел да влезе во затворот.