Врховниот суд на Мексико пресуди вчера дека одгледувањето, поседувањето и користењето на марихуана за рекреативни цели е легално и во согласност со правото за уживање во личните слободи...



Со петочлената комисија, одлуката е изгласана „за“ со четири судии, а еден бил против. Пресудата се однесува само за еден предмет и тужба на група луѓе што сакале да основаат клуб на љубители на марихуана.

Пресудата не дозволува продажба или комерцијална употреба на марихуана, што значи дека не воспоставува генерална легализација. Ако судот донесе истоветна пресуда кај уште пет слични предмети, ќе направи преседан што води кон промена на законот и оопшта легализација за рекреативна употреба на марихуаната. Со слична пракса неодамна доведе до тоа судот да пресуди дека мексиканските закони што забрануваат истополни бракови се неуставни.