55 годишната канаѓанка Дона Молнар успеала да преживее три дена под снежен насип благодарејќи на снегот, кој служел како еден вид на изолација за да може да ја одржи телесната температура. Таа исчезнала во петокот, кога западно од Торонто била погодена од снежното невреме. Нејзиното комбе било најдено наредниот ден. Потрагата по неа траела наредните два дена во околината на пронајденото возило. Кога веќе надежта била при крај, полициското куче почнало да лае на еден снежен насип на одалеченост од 200m од комбето. Спасувачката екипа ја пронашла Дона во состојба на хипотермија и веднаш била пренесена во болница. Нејзината состојба е сериозна но стабилна.