Дроновите имаат голем број на предности, но носат и одреден ризик со себе...



Дроновите би можеле да бидат опасни за приватноста на луѓето, затоа што можеби нема да знаете кога некој ќе ве гледа од воздух и ќе ве снима, може да дилаат дрога, оружје, да шпионираат, итн. Последниве месеци пожарникарите во САД имаат голем проблем со беспилотните летала, им ја отежнуваат работата со гасење на пожари и поради таа причина морале да ги приземјат своите канадери и хеликоптери од местото на пожарот.

Во последните два месеца пожарникарите во САД морале дури четири пати да ги откажуваат летовите на канадерите и хеликоптерите за гасење на пожари, само затоа што над тие места летале дронови. Никој од луѓето што управувале со дроновите не е уапсен, затоа што местото на пожарот бил во близина на место кадешто љубителите на дронови се собирале и си играле со нив. Сепак, се наметнува прашањето, како ќе бидат контролирани дроновите кога претставуваат ваква опасност за околината?