Безбедносните експерти се повеќе ги предупредуваат корисниците за лажните мејлови на интернет, преку кои хакерите ги добиваат приватните и банкарските податоци на корисниците...



Хакерите најчесто испраќаат мејлови, кои изгледаат како да ги праќа банката и во нив ставаат линкови, кои водат кон лажни страници поставени од хакерите и на тој начин директно им ги даваат своите податоци, кои може да ги искористат за празнење на банкарските сметки или други измами.

Тоа и се случило на 59-годишната Вивијан Габ од Велика Британија, која планирала со животната заштеда да си купи куќа. Наместо за куќа, парите завршиле на сметка на непознато лице и тешко дека ќе ги најде своите пари уште еднаш во животот. Хакерите го пробиле нејзиниот мејл и долго ги следеле нејзините активности и разговори со адвокатот за купувањето на куќата. Пред да ја купи куќата добила лажен мејл, наводно и пишал адвокатот, кој ја променил банката и го пратил бројот од сметката од новата банка, за да ти уплати средствата на новата сметка. Хакерите го имитирале начинот на пишување и професионално се претставиле исто како него, па така Вивијан не се посомневала дека е измама. Така уплатила 50.000 фунти на новата сметка.

Адвокатот не ги примил парите. Таа ја контактирала банката и така сфатила дека е измамена, а парите од лажната сметка на „адвокатот“ веќе исчезнале. Вивијан барала помош од банките, но тие и ја затвориле вратата, затоа што не се одговорни за тоа што и се случило. Се разбира, Вивијан се обратила и во полиција, но најискрено и било соопштено дека е речиси невозможно повторно да ги најде парите. Банката од каде била отворена сметката што и била испратена не сака дури ниту да разговара за таа сметка поради законот за заштита на лични податоци.