Четириесет вооружени лица ја заземале караулата во село Гошинце, општина Липково, потврдува портпаролот на МВР, Иво Котевски...



Терористичкиот напад врз полициската станица во Гошинце се случил синоќа во 02:30 часот, потврдува Министерството за внатрешни работи. Станува збор за вооружена група, која комуницирала на албански јазик.

Заробени и врзани се со лисици четворица полицајци, од кои едниот бил удиран.

„Ние сме од УЧК. Пренесете дека ниту Ахмети, ниту Груевски не може да ве спасат. Не сакаме охридски договори, никој не смее да дојде. Сите ќе ве ликвидираме. Сакаме наша држава“, рекол терористот од вкупно 40-тина со УЧК маски утрово ја нападнале караулата во Гошинце.

Еден полицаец зел клучеви и ги одврзал колегите и пеш заминале кога слушнале долг рафал од автомат. Според првични информации се работи за лица од Косово. МВР презема мерки за расчистување на случајот.

Од МВР велат дека Македонија и нејзините институции биле цел на терористички напад. Во моментов полицајците се безбедни, а полициската караула е ослободена.