Очигледно Apple сака да покаже дека е свесен за проблемите со загадувањето на околината...



Компанијата во соработка со Conservation Fund, организација за заштита на околината, купила шуми со простор од 36 илјади хектари.

Според официјалниот блог на дотичната организација, Apple ги купил шумите за да ги зачува за идните генерации и да ги искористи за свои потреби. Шумите се наоѓаат во американските сојузни држави Северна Каролина и Мајна, а дел од вкупниот појас се приватни шуми, кои се простираат на дури 45 милиони хектари и се сметаат за загрозени.

Улогата за одржување на шумите, која ја поседува Apple, ја извршува Conservation Fund, а наводно шумата ќе биде дефинирана како шума за комерцијален извор на дрва. Според пишувањето на BGR, шумите ќе ги искористи Apple како извор за суровина и за пакување на своите производи, а пред самото купување компанијата морала да се обврзе дека ќе извезува онолку дрва, само колку што е потребно за изработка на пакувањето.  

Но, тоа не е се, Apple истиот ден склучил договор со кинескиот SunPower за финансирање на изработка на две соларни електрани во Кина. Според договорот, проектот би требало да биде завршен до крајот на годината.