Бидејки лежел 10 години затвор по грешка, жител на американската сојузна држава Колорадо ќе добие обештетување во висина од 4 милиони долари, пишува CNN.
Тим Мастерс бил осуден во 1987 година, во тоа време тој имал само 15-години. Тој бил прогласен за виновен за убиството на 37-годишната Пеги Хеттрик, чие тело било пронајдено недалеку од домот на Мастерс.
Вината била "докажана" врз основа на индиректни докази, вклучувајќи негови садистички цртежи, колекција ножеви и мноштво порнографски материјали.
Во 1999 година Мастерс бил осуден на доживотен затвор без право на помилување. Во 2008 година сепак, адвокатите успеале да го убедат судот да ја поништи пресудата поради отсуството на ДНК од клиентот на местото на злосторството.
Сега властите во Лоримар, Колорадо одлучија Мастерс да биде исплатен со надоместок во висина од 4,1 милиони долари. Невиниот маж, веќе 37 годишен, но и задоволен од триумфот на правдата изјавил: "Со радост би ги платил овие милиони па дури и повеќе, ако можам да си ги вратам изгубените години. Но, тоа е невозможно".
