Маж бил спасен после 27 дена под урнатините...
Чудата на Хаити по се изгледа не престануваат да се случуваат, а најновото е 28-годишен маж, за кој се верува дека бил под рушевините речиси еден месец. Тој бил спасен од едно хаитско семејство, цели 27 дена по земјотресот. Тие рекле дека го пронашле под урнатините на пазарот, а веднаш откако го извадиле, локалните жители започнале потрага по евентуално нови преживеани.
"Во нашата служба за итни случаи е донесен маж, на околу 28-годишна возраст, во дехидрирана состојба и нарушено здравје. Го прегледавме и му дадовме инфузија, и сега се наоѓа во релативно добра состојба", рекол лекарот за Ројтерс, д-р Dushyanth Jayaweer од универзитетот во Мајами.
