Еден 17-годишен тинејџер се претварал дека работи како гинеколог во болница, се додека некој не сфатил дека не е навистина лекар...



Цел месец се движел низ просториите во болницата Вест Палм Бич, без никој да го забележи во белиот мантил. Се претставувал како доктор Себастијан Кент, а човекот со тоа име работел како акушер и гинеколог во истата болница.

Кога дошла редовна пациентка кај лажниот доктор, веднаш го разоткриле. Според полициските извештаи, тој често одел во ординацијата на доктор Кент, додека тој ги прегледувал своите пациенти.

„Првото нешто на кое помислив, беше `Станувам многу, многу стар, бидејќи овие нови доктори изгледаат се помлади и помлади од година во година`“, рекол вистинскиот доктор Кент.

Персоналот повикал обезбедување, а обезбедувањето повикало полиција. Од болницата известуваат дека младиот човек не бил во контакт со ниту еден пациент и немал пристап кон просториите за интензивна нега.

Лажниот доктор моментално се наоѓа во притвор, а истрагата е во тек.