Се повеќе Французи ги продаваат своите новогодишни и божиќни подароци...



Овој резултат е добиен од истражувањата што ги извршил „OpinionWay“, Институт за маркетиншки и политички истражувања во Франција. Според анкетата, препродажбата со подароци преку специјални страници, како што е eBay, генерирала 133 милиони евра.

За овогодишниот Божиќ Французите ќе потрошат во просек по 518 евра, од кои повеќе од половина, односно 303 евра трошат само за подароци, открива друго истражување.

Најпосакуваните подароци за граѓаните на Франција се книги (41%), чоколади, парфеми, музички изданија и пари (38%) и обични напишани честитки (31%). Меѓутоа, економската криза си го прави своето, која не ја заобиколува Франција.

Се поголем број на Французи ги препродаваат своите подароци преку интернет, а најпопуларните страници за ваква трговија се leboncoin.fr и ebay.fr.

Според истражувањето од eBay, дури 27% од Французите изјавиле дека добиле подарок што не им се допаѓа минатата година. Вкупната сума потрошена на подароци кои не биле посакувани изнесува 581 милиони евра, а приходите од препродажба на овие подароци вредат околу 133 милиони евра. Најпрепродавани подароци биле облека, модни додатоци, книги, стрипови и играчки.