Тролањето и троловите на интернет не се веќе само „екипа што ни ги кине нервите“, туку овие навреди станаа многу посериозна работа...



Троловите станаа општествено-социјален проблем, бидејќи не избираат зборови кога се закануваат и навредуваат, додека се сокриени зад екранот на своите компјутери. Се уште никој не знае како може да се реши овој проблем, но се повеќе се размислува во таа насока. Законската регулатива е еден од начините, а Велика Британија подготвува таков предлог.

Секретарот на британското Министерство за правда, Крис Грејинг, потврдил за Дејли Мејл дека ќе се подготви предлог закон според кој ќе се бараат казни за онлајн злоставувачите - од 6 месеци до 2 години затвор.

„Интернет троловите се всушност кукавици, кои ги трујат нашите животи и национална личност“, остро изјавил Грејинг.