Полицијата од северна Грција ги истражува наводите дека жена се разбудила во ковчег откако веќе била погребана...



Жената за жал се задушила пред да успеат да ја откопаат од гробот, пренесува BBC.

Луѓето што отишле на гробиштата во Солун изјавиле дека слушнале тропање и викање од гробот, еден час откако жената била закопана. Кога ковчегот бил откопан, таа веќе била мртва.

Лекарите оваа жена ја прогласиле за мртва, која била лекувана од рак. Набрзо напуштањето на гробиштата во Пераја од последните роднини, минувачи и деца што си играле надвор слушнале женски глас кој вика „помош“ од гробот. Ја повикале полицијата и почнале да го откопуваат гробот, но таа се задушила во ковчегот, известуваат грчките медиуми.

Лекарка подоцна го прегледала телото и рекла дека жената била мртва веќе со часови и не може да биде реанимирана.

„Невозможно е некој во состојба на мртовечка вкочанетост да вика и удира во ковчегот на таков начин“, изјавила лекарката Криси Мацикоуди.

Патологот треба да ја објави обдукцијата од кутрата жена. Семејството размислува за подигнување на тужба против лекарите што ја лекувале од рак.