Поранешниот затвор на Голи Оток ќе се продаде или ќе се изнајми, одлучил Државниот сектор за управување со државното земјиште на Хрватска...



Објектот на затворот и сите недвижнини наоколу се простираат на 4.500 метри квадратни и со години веќе пропаѓа. Само за време на летната сезона претставува туристичка дестинација.



„Истакнувам дека на Голи Оток и на било кое друго место каде нудиме државни земјишта ќе може да се работи само во согласност со просторните планови“, изјавил Младен Пејновиќ, управникот на надлежниот сектор, кој повикал сите заинтересирани да ги достават документите до 15 септември.

Идејата за да се направи меморијално-туристички комплекс на Голи Оток е затоа што „таму постојат делови кои се предвидени за туризам“, објаснил Пејновиќ.



Напуптената зграда на поранешниот затвор се наоѓа на југозападното крајбрежје на Голи Оток. Затворскиот комплекс се состои од управната зграда изградена од камени блокови изработени од рацете на затворениците во 1950 година, која според затворскиот жаргон ја нарекувале „хотел“.