Вицепремиерот на Турција Булетн Аринч, изјавил дека жените не треба гласно да се смеат на јавно место за да ја зачуваат „моралната чест“...



„Мажот мора да биде морално битие како и жената. Жената треба да знае што е пристојно, а што не е“, рекол Аринч на вториот ден од Рамазан бајрам, кој официјално се слави во Турција, иако таа е секуларна земја според Уставот.

Изјавата на Аринч предизвикала лавина реакции на социјалните мрежи, дека Владата се повеќе „се меша во приватниот живот на граѓаните“.

„Наместо да ни делите лекции за морал, вратете ни ги украдените пари!“, е еден од коментарите на Twitter, со вперување на прстот кон корупцијата на премиерот Реџеп Таип Ердоган и неговото политичко опкружување.