Слонот Рају го поминал својот 50-годишен живот во синџири, а кога бил ослободен, од око му потекле солзи радосници...



Слонот мажјак заплакал во моментот кога му ги искинале синџирите од ногата.

Ветеринарите и експертите за диви животни од британскиот центар „Wildlife SOS-UK“, во придружба на 20 вработени во Комисијата за шуми и двајца полицајци, отишле во фармата во индиската држава Утар Прадешу, кадешто живее Рају. Сопствениците секојдневно го тепале и злоставувале слонот со цел да просат пари. Тие тврдат дека бил окован 24 часа на ден, што е дело на огромно злоставување.

Кога институциите дознале за случајот на Рају, веднаш реагирале до судот, кој наредил спасување на овој слон. Неговиот сопственик не сакал да го даде, затоа спасувачката операција била драматична со многу луѓе.

Спасувачите го пренеле во центарот за грижа на големи животни во Матуру, со што почнале неговите први чекори кон слободата.