Таксист во Њујорк вратил 10 илјади долари на клиентка која ги заборавила парите во автомобилот.

Името на честниот таксист е Микул Асадузаман, 28-годишен, по потекло од Бангладеш.

Клиентката била постара италианка, дошла во Њујорк да го помине Божиќ кај своите роднини. Асадузаман ја однел од станица "Пенсилванија" до Лонг Ајланд, а парите ги открил дури откако стигнал во Менхетн во барање на нови клиенти.

Без да се колеба дури и за миг, тој повторно се вратил на Лонг Ајланд, заѕвонил на вратата на куќата пред која ја оставил 72-годишната Фелисија Летиери и и ги вратил нејзините пари.

Возбудена од убавата постапка, возрасната жена му предложила солидна награда, но младиот Асадузаман одбил, објаснувајки дека  постапката е сосема нормална.