Документите биле украдени пред неколку дена, при што ги понудиле на продажба...



Болницата потврдила дека болничкиот здравствен картон на Михаел Шумахер исчезнал. Медиумите шпекулираат дека документите се продаваат за 10.000-50.000 рвра.

„Документите се украдени пред неколку дена и се нудат на продажба. Не знаеме дали станува збор за оригиналните документи, но болницата потврди дека болничкиот здравствен картон на Михаел Шумахер исчезнал. Кражбата е пријавена во полиција“, изјавила портпаролката на Шумахер, Сабине Кем.

Семејството на Шумахер изјавило дека ќе го тужи секој што ќе се обиде да објави било каков податок од неговиот здравствен картон.

Портпаролот на Универзитетската болница во Лозана потврдил дека Шумахер се наоѓа во нивната установа. Во истата болница порано се лекувале заирскиот диктатор Мобуту Сесе Секо и палестинскиот лидер Јасер Арафат.