Независни руски истражувачи тврдат дека ги пронашле клучните докази за решавање на мистериозната смрт на првиот човек во вселената Јуриј Гагарин...
Во извештајот се тврди дека смртта била предизвикана од панична реакција за време на рутински лет во 1968 година. Пилотот го фатила паника кога сватил дека му е отворен еден од воздушните вентили во кокпитот. Гагарин со борбен авион МИГ-15 срушил во шумата,а падот не го преживеал ниту тој, ниту неговиот копилот. Како што тврди пензионираниот полковник Игор Кузнетсов, овој извештај ќе стави крај на долгата приказна дека Гагарин загинал затоа што бил пијан.
Во некои теории се зборуваше и за убиство, љубоморно порачано од советскиот водач Леонид Брезњев. Гагарин загинал 7 години откако станал славен поради 68 минути помината во Земјината орбита. По тоа, Гагарин стана најголемата ѕвезда на комунистичката земја. Резултатите од првото испитување на неговата смрт никогаш не беа објавени.
