Над 74 луѓе се убиени во серија напади низ цел Ирак, вклучувајќи ги експлозиите автомомобил бомба во Багдад, соопштиле денес ирачките официјални лица...



Бомбаш самоубиец активирал возило со експлозив во главниот шиитски багдадски кварт Кадимијах и со тоа убил над 16 луѓе, додека 52 се ранети.

Уште три автомобили бомби експлодирале во Багдад во ноќните часови во квартовите Амин, Садр Сити и Џихад, убивајќи 20 луѓе.

Во Мосул се убиени уште 21 лице со две истовремени експлозии на автомобили бомби, вклучувајќи и 14 полицајци и војници, додека во истиот град во посебен напад се убиени 2 лица.



Се уште ниту една група не ја преземала одговорноста за тие напади, но се претпоставува дека сунитските екстремисти го направиле ова, кои се поврзани со групи од исламските држави Ирак и Левант, кои често извршуваат координирани експлозии во Багдад и други големи ирачки градови.

Последните месеци насилството во Ирак е позачестено, што го предизвикува стравот дека земјата би можела да се врати во истата позиција како во периодот од 2004 - 2007 година, кога по 10.000 луѓе гинеле секоја година.