Полицијата идентификувала најмалку двајца лажни спасувачи, кои ги ограбувале куќите во Обреновац...



Тие наводно им помагале во евакуацијата на граѓаните, а од порано и биле познати на полицијата.

Поради основано сомнение дека крадел по куќи и станови, полицијата го уапсила З.В. кој престојувал во домот на К.М. кој пред медиумите се претставувал како спасувач во Обреновац.

М.Т. се претставувал како херој пред медиумите, но се работи за човек што претходно бил осудуван за трговија со дрога и пукање кон полицајци.

Очевидецот во обидот за кражба бил Дарко Трифуновиќ од Факултетот за безбедност, кој помислил дека се работи за спасувачи, но потоа сфатил дека се работи за крадци.



„Додека спасувавме една баба од една зграда, видов тројца како кршат врата од стан со чекан. Прво помислив дека се спасувачи и дека провалуваат во стан затоа што има некој внатре. Ги прашав кој останал во станот, а тие ми упатија само пцовка. Тргнав према нив и им реков: `Стој полиција!`. Но тоа не ги исплаши и едниот довикна дека му е гајле, бидејќи немам оружје. Меѓутоа, имав пиштол со себе, го репетирав и дури тогаш се исплашија и почнаа да бегаат“, раскажал Трифуновиќ.