Во Босна и Херцеговина поплавите однеле уште една жртва, која е четврта по ред, а состојбата е алармантна затоа што надоаѓаат реките Сана и Сава...



Во општина Сански Мост настрадал Суад Селман (61), потврдиле од кантонското Министерство за внатрешни работи.

Се претпоставува дека човекот загинал поради давење, кој е пронајден во близина на својата поплавена куќа. Од МВР на Република Српска е соопштено дека поплавите однеле три животи. Во БиХ и денес се борат со водената стихија, поради што најкритично е во Посавина.



„Драматично е на северот на БиХ каде се бранат насипите покрај Сава. Доколку попуштат овие насипи цела Посавина ќе биде под вода. Цела ноќ траеше борбата со помош на Цивилната заштита, војската и граѓаните за спасување на насипите“, рекол Илија Језиѓиќ, раководителот на ЦЗ во Посавскиот кантон.

Целото население во Гребница е загрозено и се евакуира, бидејќи само неколку сантиметри фалат за да се излие Сава.