Родителите секогаш се сомневаат дали нивното бебе е безбедно додека тие не се дома...



Тоа била причината зошто Ровена (39) и Џек (30) Чурчланд поставиле тајна камера во собата на својот 18-месечен син. Синчето го чувала дадилка, од која не очекувале ништо вознемирувачко, но сепак видеото го открило токму она на кое воопшто не помислиле.

Наместо да го чува и да биде нежна кон него, таа повремено одела кај бебето, а кога ќе изгубела трпение насилно го легнувала на неговото креветче.

Родителите реагирале веднаш и дадилката била уапсена поради занемарување и грубо однесување кон малолетно дете. Сепак таа била ослободена од обвинение кога целиот случај стигнал до судот.

„Нашето дете било исплашено и тоа се гледа на снимката. Таа го занемарила целосно, не го заспивала на време, двајцата биле нервозни, го удрила толку силно по газот, што не знам дали некогаш ќе си го простам тоа себеси. Толку беспомошно се чувствувам, бидејќи и мојата доверба е изневерена“, раскажала мајката, која дотогаш имала само пофалби за дадилката, која е ангажирана по препорака.