Во Швајцарија ќе се одржи референдум на 18 мај за воведување на минимална плата од 22 швајцарски франци (18 евра од час), односно 4.000 франци (3.280 евра) месечно...



Иницијативата за референдум ја покренале синдикатите и партиите на левицата, а дебатата за претстојното гласање во Швајцарија трае со недели.

Големи се шансите граѓаните да не го прифатат овој предлог од страв дека воведувањето на минималната плата од 4.000 франци месечно би можела да ја зголеми невработеноста.

Според анкетата спроведена во април, 64% од граѓаните на Швајцарија ќе гласаат против предлогот, 30% ќе го поддржат, а 6% од граѓаните се неодлучни.

Доколку овој предлог биде изгласан на референдум, Швајцарија ќе биде прва во светот според висината на минимална заработувачка.

Во Франција минималната плата од час изнесува 9.43 евра, во Шпанија 5.05 евра, а во Германија од 2015 година ќе изнесува 8 евра.