Американскиот претседател Барак Обама изјавил дека Русија може да очекува дополнителни санкции ако се засили поддршката на сепаратистите на истокот на Украина...



Обама верува дека Русија не е заинтересирана за воен судир со Америкам, која воено е надмоќна и додал дека САД не сака војна.

„Она што доследно го зборував е дека секој пат кога Русија ќе преземе вакви чекори со цел дестабилизација на Украина и повреда на нејзината сувереност, тогаш треба да ги сноси и последиците“, рекол Обама во интервју за телевизијата CBS.

Новите американски санкции против Русија поради нејзините акции во Украина би можеле да бидат најавени во петок, доколку на состанокот во Женева не се постигне напредок, пишува Ројтерс.

Американските официјални лица не очекуваат дека на состанокот со руските, украинските, американските и официјалните ЕУ држави во Женева, ќе биде постигнат значаен напредок во решавањето на украинската криза.