Фрлена е чевла на поранешната државна секретарка Хилари Клинтон додека држела говор во луксузното одмаралиште Мандалај Беј во Лас Вегас...



Чевлата што ја фрлила неименуваната жена не успеа да ја погоди Клинтон, бидејќи се тргна навремено.

„Дали ме гаѓа некој со нешто? Дали е тоа дел од циркус?“, шеговито рекла Клинтон.

Обезбедувањето ја исфрли жената веднаш и официјалните лица соопштиле дека веднаш ќе биде уапсена, пишува АП.

Хилари Клинтон, која можеби ќе се кандидира на следните американски претседателски избори, во Лас Вегас гостувала на состанок во организација на Институтот за индустријата на рециклирање на отпад.

Сличен инцидент се случи и претходно во 2008 година кога ирачки новинар за време на конференција го фрлил својот чевел на тогашниот американски претседател Џорџ Буш.