Анџелина Џоли во четвртокот била присутна на конференција за превентива од сексуално насилство во војните во Сараево...



Актерката била специјален гостин на конференцијата заедно со британскиот министер за надворешни работи, ВИлијам Хег.

„Прекрасно е да се биде повторно во Сараево. Војниците во регионот имаат тешка војна. Тие го разбираат тероризмот што го поминале и знаат дека тие работи мора да престанат. Нема мир додека жените во светот се силувани во воените зони и додека тоа е оружјето на војната. Долго се сметало дека силувањето на цивили во војна е вообичаено. Но силувањето во војната, како и оружјето, е најлошиот облик на водење војна. Напаѓачите се свесни што прават. Разделуваат семејства, а жртвите се и мажи. Жените веќе не треба да се плашат да излезат на улица за да се погрижат за семејството, а да не се плашат дека ќе бидат силувани. Војниците мора да бидат едуцирани како да се однесуваат према жените. Сексуалното злоставување и силувањето на жените не смее да биде вообичаено оружје во војните низ цел свет“, изјавила Анџелина на конференцијата.



Џоли денес ќе замине во Сребреница каде треба да се сретне со Мајките на Сребреница и силуваните жени од тој град.

„Босна е центарот на нашата глобална кампања. Сакаме да и помогнеме на Босна да го надвладее тешкото насилство на војната и злото што се случија. Сексуалните злочини не се и не би смееле да бидат неизбежен дел на војната. Сексуалното насилство во војната служе како цел на тероризирање и мачење за да се иселат луѓето. Тоа денес се случува во Сирија, а истото се случи и неодамна во Хрватска“, рекол Вилијам Хег.