Токио официјално денес воведе одредени ограничувања како санкција против Русија поради нејзиното признавање на Крим како независна држава...



Ова е официјалното соопштение на Министерството на надворешни работи на Токио, во кое се наведува дека се суспендирани преговори за визни олеснувања помеѓу двете земји, како и различни преговори за инвестиции, истражување на вселената и воена соработка, пишува АП.

Јапонскиот министер за надворешни работи Фумио Кишида истакнува дека Јапонија не ги признава резултатите од референдумот за независноста на Крим, наведувајќи дека гласањето е спротивно на украинскиот устав.



„Руското признавање на независноста на Крим претставува кршење на интегритетот на украинскиот суверенитет и територијата“, вели Кишида и додава дека Јапонија не може да ги затвори очите пред „обидите на Русија да го промени досегашното статус-кво сосила“.

Како што наведува АП, јапонските санкции сепак се сметаат за благи во споредба на оние кои вчера ги воведоа ЕУ и САД, кои замрзнале имот на едно од руските официјални лица.