Правниот тим на Република Србија заврши со подготовката на тужба за геноцид против Хрватска и наскоро ќе биде предадена на Хашкиот суд...

Србија на овој начин одговара на тужбата за геноцид поднесена од страна на Хрватска против неа. Сега Србија ја обвинува Хрватска за етничко чистење во периодот од 1991 до 1995 година. Можно е жалбата да биде предадена до судот пред крајот на оваа година. Во тужбата стои дека Србите кои пред војната живееле во Хрватска, биле жртви на геноцид, а Србија тоа планира да го докаже повикувајќи се на хашките тужби и процеси против Хрватите во Хаг.

Србија исто така планира на судот да му обезбеди и докази за жртвите кои се убиени по завршувањето на војната. Српскиот претседател Борис Тадиќ, во петокот истакнал дека не треба да се брза со поднесувањето на тужбата, додавајќи дека овие прашања треба да се решат поединечно, на испитувања, во судски процеси кои не би ја кренале етничката тензија.