Поранешниот шеф на Американската централна банка (FED), Бен Бернанки, во 40-минутна конференција во Абу Даби заработил повеќе отколку во целата мината година како прв човек на Американската централна банка...



Од неговиот прв јавен говор, откако во јануари ја напуштил FED, Бернанки во Абу Даби добил 250.000 долари, што е поголема сума и побрзо заработени пари, во споредба со 199.700 долари - колку што заработил во целата 2013 година, пишува Ројтерс.

Замислете, ова е самио првиот говор на Бернанки, од сите три вкупно кои треба да ги одржи ширум светот неделава. Тој зборувал за тактиката на централните банки во САД за време на финансиската криза 2007-2009 година, што е прашање за кое веќе многу истражува и планира да објави книга.

Присутните на конференцијата во Абу Даби, во организација на Националната банка на Абу Даби, морале да платат по 2.000 долари за учество на говорот, каде зборувал и поранешниот министер за финансии, Лоренс Самерс. Според проценката на експертите, Бернанки од секој говор би можел да инкасира околу 250.000 долари.