Мари (30) од Конго има веќе 5 деца и се радувала што ќе го запознае 6-тиот член на семејството...



Таа веќе испланирала и ги собрала парите до денар, меѓутоа се случило нешто што ја држи во заложништво во болницата веќе со месеци.

„Ме примија на 2 ноември во болница. Имав силни контракции и лекарите ми рекоа дека мора да ми извршат царски рез. Тоа не го планирав, затоа што веќе пет пати се породував, а кога заврши се, сестрата ми рече да ја платам сметката. Бидејќи ниту тогаш, ниту сега немам пари, се уште сум тука. Бабицата не ми дава да си одам дома“, раскажала несреќната жена, која живее во болницата.

Доктор Џозеф од истата болница ги потврдува овие наводи.

„Имаме 5 жени кои не ги платија лекарските услуги. Тие се во иста ситуација, иако едната жена го изгуби детето при породувањето. Ако ја пуштиме Мари да си оди дома, ќе мора да го направиме истото и со другите пациентки. Таа мора да ги плати нашите услуги, не можеме да имаме милост према ниедна жена“, вели лекарот.

Во болницата има обезбедување што ги чува пациентите за да не побегнат и има само еден излез.

Според извештаите на организацијата „Save the children“, Конго е една од најлошите земји за деца. Цифрите кажуваат дека од 1.000 новороденчиња, 44 умираат веднаш.

„Секоја мајка треба да има право да раѓа бесплатно. Во развиените земји работите се такви. Тоа особено се однесува на итните медицински интервенции“, вели Џастин Форсит од организацијата „Save the children“.