Украинскиот претседател Виктор Јанукович прифати одржување на предвремени претседателски избори...



Тој го најави враќањето на уставот од 2004 година, според кој надлежностите на претседателот беа ограничени. Со ова се исполнува едно од главните барања на опозицијата.

„Изјавувам дека се неопходни нови чекори за да се спроведе мир и да се избегнат нови жртви. Изјавувам дека сум за предвремени претседателски избори и враќање на Уставот од 2004, со кој овластувањата се распределуваат во корист на парламентот“, е соопштението на претседателот Јанукович.



Тој најавува дека ќе започне процес на создавање на влада со национално единство.

„Во овие трагични денови, кога Украина доживеа тешки загуби, кога луѓето умираат од двете страни на барикадите, чувствувам одговорност да кажам дека нема ништо поважно од човечкиот живот. И нема такви чекори кои не би ги преземале за да се воспостави мир во Украина“, се наведува во соопштението.