Во судирите на демонстрантите и полицијата во Киев пред два дена загинале 28 лица, соопштува денеска украинското Министерство за здравство...



Во соопштението на министерството се вели дека 287 лица се задржани во болница, вклучувајќи и четири малолетници и двајца странски државјани.

Како што пренесува АФП, ​​повредени се 88 припадници на безбедносните сили и 1 член на парламентот.

Претседателот на Украина, Виктор Јанукович, синоќа прогласи примирје, Ден на жалост и почеток на директни преговори со опозицијата.

По разговорите со тројца опозициски лидери, Олег Тјагибнок, Арсениј Јацењук и Витали Кличко, Јанукович на неговата веб-страница напишал:



"Врз основа на она што го постигнавме на состанокот, двете страни прогласија примирје и почеток на преговори со цел да се стави крај на крвопролевањето и стабилизирање на ситуацијата во земјата, заради општиот мир".

Прогласувањето на примирјето следело после неколку часа откако претседателот го разрешил началникот на Генералштабот, генерал-потполковник Владимир Заман и на негово место го назначил адмирал Јуриј Илјин.